Almaty oblysynda 37 jastaǵy er adamdy sýretke túsý kezinde ózen aǵyny alyp ketti. Qutqarý jumystary júrgizilýde. Bul týraly QR Tótenshe jaǵdailar ministrliginiń baspasóz qyzmetinen málim etti, dep habarlaidy "Ult aqparat".
«1 shildede saǵat 11.15-te «112» pýltine Almaty oblysynyń Kegen aýdanynda 1984 jyly týǵan er adamdy Sharyn ózeniniń aǵyny alyp ketti.
Izdestirý jumystaryn júrgizý úshin oqiǵa ornyna tez arada Almaty oblysy Tótenshe jaǵdailar departamentiniń kúshteri men quraldary jiberildi. Olardyń jalpy sany jeke quramnan 15 adam men 4 birlik tehnika. Oqiǵa ornyna saǵat 12.05-te TJM Respýblikalyq jedel-qutqarý jasaǵynyń qutqarýshylary da jiberildi. Olardyń jalpy sany jeke quramnan 8 adam men 1 kinologiialyq esep. Saǵat 13.00-de oqiǵa ornyna «Qazaviaqutqarý» AQ-nyń tikushaǵy ushyp shyqty.
Qosymsha kúshter men quraldar jiberiletin bolady», - dedi ministrliktiń baspasóz qyzmetinen.
Aldyn ala málimetke sáikes, er adam týristik toppen júrgen. Fotoǵa túsý kezinde qaýipti aimaqta aiaǵy taiyp ketip, sýǵa qulaǵan. Ony ózen aǵyny alyp ketti.
