Foto: QR TJM
QR TJ ministriniń buiryǵymen sýǵa batyp bara jatqan balany qutqarý kezinde kórsetken batyldyǵy, janqiiarlyǵy úshin Qazaqstan-Amerika Erkin ýniversitetiniń 2 kýrs stýdenti Erasyl Omarhanov «Sýǵa batqandardy qutqarǵany úshin» medalimen marapattaldy.
Esterińizge sala keteiik, oqiǵa biyl 13 mamyrda bolǵan. Erasyl Omarhanov Úlbi ózeninde sýǵa batyp bara jatqan balany qutqaryp qaldy.
Bala ápkesimen ózen jaǵasynda serýendep júrgen kezde sýǵa qulap ketken, sýdyń aǵysy ony alyp kete bastaǵan. Ministrliktiń baspasóz qyzmeti málimetinshe, Erasyl der kezinde qasynda bolyp, balany qutqaryp qaldy.
- Qazaqstan TJ ministriniń atynan kórsetken erligi úshin alǵys aitamyz! Bizdiń óńirde óskeleń urpaqtyń laiyqty úlgi alatyn osyndai batyrlary baryna qýanyshtymyn! - dep atap ótti vedomstvolyq marapatty tabystaǵan ShQO TJD bastyǵy Rashid Blialov.
Óskemende ata-anasynyń qaraýynsyz qalǵan búldirshindi aman alyp qalǵan Erasyl Omarhanov marapattalǵanyn jazǵan bolatynbyz.
Úlbi ózeninde batyp bara jatqan balany aman alyp qalǵan Erasyl Omarhanovpen Óskemen qalasynyń ákimi Almat Aqyshov kezdesti. Beibit kúnniń batyry búginde Qazaqstan-Amerikandyq Erkin ýniversitetinde «Psihologiia» mamandyǵynda bilim alyp jatyr.
Ákim Erasyl Omarhanovqa Alǵys hat pen aqshalai syilyq tabystady. Sonymen qatar «AN Group» kompaniiasy 2-shi kýrsta oqyp jatqan stýdenttiń qalǵan oqý aqysyn tólep beretinin jetkizdi.
