Almatynyń memlekettik bas sanitar dárigeri Jandarbek Bekshin onlain brifing barysynda sýburqaqtarda adam kóp jinalǵandyqtan, koronavirýs infektsiiasyn juqtyrý yqtimaldyǵy joǵary ekenin aitty, dep habarlaidy "Ult aqparat".
Onyń aitýynsha, sýburqaqtar arqyly tek koronavirýsty ǵana emes, basqa da aýrýlardy juqtyrýǵa bolady. Sýburqaqtarda shomylý saldarynan qalada parazittik aýrýlardyń órshýi tirkelgen.
«Sýburqaqtarda shomylý adamdardyń densaýlyǵyna ziian. Tuman tárizdi áseri bar sýburqaqtar erekshe qaýip tóndiredi. Pandemiia kezinde olardyń jumysy toqtatylady», - dedi Jandarbek Bekshin.
Sonymen qatar, ol qaladaǵy sýburqaqtar janyna shomylýǵa tyiym salatyn belgiler ornatylatynyn tilge tiek etti.
Sanitar dárigerler de, jergilikti atqarýshy organdar da sýburqaqtardy baqylaýǵa almaq.
Máselen, Almatydaǵy Dostyq pen Qurmanǵazy kósheleriniń qiylysyndaǵy jeke tuman tárizdi fontan adamdardyń kóp jinalýyna bailanysty jabyldy.
