Foto: Pexels.com
Aqmola oblysynda 300 million teńgeden astam qarajatty jymqyrdy degen kúdikpen birneshe sheneýnik pen kásipker qamaýǵa alyndy. Bul qarajat sý tasqyny qaýpi bar aimaq turǵyndaryna arnalǵan úilerdi salýǵa bólingen, dep habarlaidy Ult.kz.
Aqmola oblysy prokýratýrasynyń málimetinshe, Atbasar aýdany ákimdiginiń qurylys bólimi basshylaryna jáne «Prestij Stroi 7» jáne «Fýndamental» JShS qurylys kompaniialarynyń jetekshilerine qatysty tergeý aiaqtaldy. Tergeý barysynda iri kólemdegi urlyq faktisi anyqtaldy.
«Bul qarajat 2021 jyly úkimet rezervinen Atbasar aýdanyndaǵy sý basý qaýpi bar aimaqtan 200 otbasyn kóshirý úshin eki 100 páterli úi salýǵa bólingen», — dep habarlady prokýratýra.
Kúdiktilerge «asa iri kólemde múlikti iemdený nemese ysyrap etý» baby boiynsha aiyp taǵylyp otyr. Olar 12 jylǵa deiin bas bostandyǵynan aiyrylýy jáne múlki tárkilenýi múmkin.
Sonymen qatar, prokýrorlar «qylmystyq jolmen alynǵan múlikti» anyqtady. Olardyń qatarynda Astana men Almatydaǵy kommertsiialyq jyljymaityn múlik, arnaiy tehnika, qurylys jabdyqtary jáne banktik shottarda saqtalǵan 50 million teńgeden astam qarajat bar. Barlyq tárkilengen múliktiń quny 335 million teńgeden asady. Bul múliktiń bir bóligin iesi jalǵa berip, qylmystyq kiris alyp otyrǵan.
«Osyǵan bailanysty, kúdiktilerdiń biriniń áreketi qosymsha QR Qylmystyq kodeksiniń 218-babynyń 3-bóligi boiynsha — „Qylmystyq jolmen alynǵan múlikti zańdastyrý (jylystatý)“ dep saralandy. Bul bap boiynsha 10 jylǵa deiin bas bostandyǵynan aiyrý jazasy qarastyrylǵan», — dep tolyqtyrdy prokýratýra.
Eki kúdikti qamaýǵa alynsa, úshinshi adam úiqamaqqa alyndy.
Protsess qatysýshylaryna is materialdarymen tanysýǵa ýaqyt berildi. Qylmystyq istiń sońǵy sheshimin sot shyǵarady.
