Sanitarlyq-epidemiologiialyq baqylaý komitetiniń tóraǵasy Aijan Esmaǵambetova revaktsinatsiia úshin «Spýtnik lait» vaktsinasyn jetkizýge qatysty kelissóz jaiynda aitty, dep habarlaidy QazAqparat.
«Jetkizýshilermen kúndelikti kelissóz júrgizilip jatyr. «Spýtnik lait» boiynsha aldyn ala kelissóz jasaldy. Ázirshe, 2020 jyldyń birinshi toqsanynda shamamen 1 mln doza jetkiziledi», - dedi komitet tóraǵasy Úkimet otyrysynan keiin BAQ ókilderiniń saýalyna orai.
Onyń atap ótýinshe, aldyn ala ýaǵdalastyqqa sáikes jeltoqsan aiynyń sońynda nemese qańtar aiynyń basynda «Spýtnik lait» vaktsinasynyń 150 myń dozasy Qazaqstanǵa jetkizilmek.
Aita keteiik, Úkimet otyrysynda QR Densaýlyq saqtaý ministriniń mindetin atqarýshy Jandos Búrkitbaev jappai revaktsinatsiia júrgizýdi tezdetý qajettigin aitqan bolatyn.
«Revaktsinatsiiaǵa 9,2 mln adam jatady. Onyń ishinde 400 myńnan astam adam revaktsinatsiiadan ótken. Ony jasaý úshin vaktsinanyń jetkilikti kólemi bar. Osy jylǵy jeltoqsannan bastap 2022 jylǵy birinshi toqsan arasynda vaktsinanyń 5 mln dozasy jetkiziledi dep josparlandy», - dedi Jandos Búrkitbaev.
