Foto: QR TSM
Qazaqstanda qysqy olimpiadalyq sport túrleri boiynsha sportshylardy daiarlaý keshendi ári kópdeńgeili memlekettik qoldaý tetigi arqyly júzege asyrylyp jatyr. Bul týraly QR Týrizm jáne sport ministrligi málimdedi, dep habarlaidy Ult.kz.
Ministrlik dereginshe, Olimpiadaǵa daiyndyq barysynda birneshe memlekettik organdy qamtityn keshendi jumys jospary ázirlengen. Qarjylandyrý oqý-jattyǵý jiyndaryn ótkizýge, halyqaralyq jarystarǵa qatysýǵa, sportshylar men jattyqtyrýshylardyń eńbekaqysyn tóleýge, meditsinalyq jáne ǵylymi súiemeldeýge, sporttyq kiim-keshekpen qamtamasyz etýge, psihologiialyq daiyndyq pen jattyǵý úderisin uiymdastyrýǵa baǵyttalǵan.
Qazirgi tańda elimizde qysqy olimpiadalyq sporttyń 13 túri damytylýda. 2026 jyly Milan men Kortina qalalarynda ótken Qysqy Olimpiia oiyndarynda Qazaqstan quramasy 10 distsiplina boiynsha óner kórsetti. Olimpiadalyq tsikl aiasynda ulttyq quramalar 612 oqý-jattyǵý jiynyn ótkizip, 434 halyqaralyq jarysqa qatysty.
Daiyndyq sapasyn arttyrý maqsatynda 13 sheteldik maman tartylyp, zamanaýi ádistemeler engizilgen. Nátijesinde otandyq sportshylardyń básekege qabilettiligi aitarlyqtai artqany atap ótildi.
Memlekettik qoldaýdyń naqty mysaly retinde ministrlik olimpiada chempiony, mánerlep syrǵanaýshy Mihail Shaidorovtyń daiarlyǵyn keltirdi. 2025 jyly sportshy men onyń komandasynyń daiyndyǵyna 263 394 581 teńge bólingen.
Atap aitqanda, 19 oqý-jattyǵý jiynyna (8-i Qazaqstanda, 11-i shetelde) 47 mln teńge, al 5 halyqaralyq jarysqa qatysýǵa 16 mln teńge baǵyttalǵan. Sportshynyń 2025 jylǵy jalpy eńbekaqysy 33 989 000 teńgeni qurasa, jeke bapkeri Aleksei Ýrmanovqa 26 mln teńgeden astam qarajat tólengen.
Horeograf I.V. Reginanyń eńbekaqysy 23 mln teńge boldy. Budan bólek, jarys baǵdarlamalaryn qoiý, kostiým tiktirý jáne avtorlyq quqyqtardy satyp alý shyǵyndary qarjylandyrylǵan.
Sportshy buǵan deiin álem chempionaty men Aziia oiyndaryndaǵy joǵary nátijeleri úshin 6 694 581 teńge kóleminde birjolǵy syiaqy alsa, jattyqtyrýshylar shtabyna qosymsha 1 506 040 teńge tólengen.
Ministrlik málimetinshe, kóshbasshy sportshylardy daiarlaý modeli oqý-jattyǵý jiynynan bastap ǵylymi-meditsinalyq qamtamasyz etý men materialdyq qoldaýǵa deiingi keshendi qaǵidatqa negizdelgen. Ataýly qarjylandyrý júiesi qazaqstandyq sportshylardyń qysqy sport túrlerinde álemniń úzdikterimen teń dárejede básekelesýine múmkindik berip otyr.
