Foto: Videodan skrinshot
Almatyda úsh jigit er adamdy aiaýsyz soqqyǵa jyqty. Oqiǵa týraly zardap shekken azamattyń uly áleýmettik jelide habarlady. Bul týraly Kriminalnyi Kazahstan telegram arnasyna silteme jasap Ult.kz habarlaidy.
Onyń aitýynsha, 10 aqpanda úsh er adam ákesin syrtqa «sóilesýge» shaqyryp, keiin soqqyǵa jyqqan. Kúdiktilerdiń biri kenetten qatty soqqy jasap, saldarynan er adam shamamen bir saǵattai es-tússiz jatqan. Dárigerler bas súieginiń birneshe jerden synǵanyn jáne miǵa qan quiylǵanyn anyqtaǵan.
Ulynyń sózinshe, qazirgi tańda otbasy aýyr jaǵdaida. Olar jaldamaly páterde turady, qaryzdary bar. Anasy zeinetker, jubaiynyń densaýlyǵynda kinárat bar, sondai-aq otbasynda kámeletke tolmaǵan eki bala tárbielenip otyr.
Almaty qalalyq politsiia departamentinde kúdiktiniń anyqtalyp, ustalyp, ýaqytsha ustaý izoliatoryna qamalǵanyn habarlady. Qazir tergeý amaldary júrgizilýde, istiń barysy politsiia basshylyǵynyń baqylaýynda.
