Foto: Videodan alynǵan kadr
Túrksib aýdandyq sotynda Mudarabah Capital qarjy piramidasyn qurý isi boiynsha bes jylǵa sottalǵan belgili vainerler Meiirjan Tórebaev pen Meiirhan Sherniiazov merziminen buryn bosatý týraly ótinishi qaraldy.
Túrksib aýdandyq soty M.Tórebaevtyń QR QK 73-babynda kózdelgen jazanyń ótelmegen bóligin neǵurlym jeńilirek jazamen aýystyrý týraly ótinishin qarady.
— Sot talqylaýy barysynda sottalǵandarǵa jazany neǵurlym jeńil jazamen aýystyrý týraly ótinish hatty qanaǵattandyrýdyń negizgi kriteriileriniń biri — ziiannyń ótelmegeni anyqtaldy, –dep habarlady qalalyq sottan.
QK-niń 73-babynyń 1-bóligine sáikes, onsha aýyr emes, aýyrlyǵy ortasha nemese aýyr qylmys úshin bas bostandyǵynan aiyrýdy ótep jatqan adamǵa, ol qylmyspen keltirilgen zalaldy tolyq ótegen ne jazany óteýdiń belgilengen tártibin qas kóilikpen buzbaǵan jaǵdaida, sot jazanyń qalǵan ótelmegen bóligin neǵurlym jeńil jaza túrimen aýystyrýy múmkin.
— Barlyq mán-jailardy eskere otyryp, sot M.Tórebaevtyń jeke isiniń materialdaryn jan-jaqty zerttep, sot qaýlysymen ótinish hatty qanaǵattandyrýsyz qaldyrdy, — dep atap ótti vedomstvodan.
Qaýly zańdy kúshine engen joq.
