Aqtóbe garnizonynyń soty Qorǵanys isteri jónindegi departamenttiń burynǵy basshysy Ǵalymjan Jantóringe 6 million teńgege jýyq aiyppul salyp, «polkovnik» sheninen aiyrdy jáne memlekettik qyzmetten ómir boiyna shettedi.
Jantórinniń bopsalaý arqyly aýdandy qorǵanys isteri jónindegi bólim basshylarynan kandidattardyń meditsinalyq komissiiadan kedergisiz ótip, áskeri-tehnikalyq mektepke túsýi, áskerge shaqyrylǵandardyń boryshyn óteýin keiingi qaldyrý jáne jalpy áskerilerdi qorǵap júrý úshin para alǵany anyqtaldy. Ol 4 adamnan 10 myńnan 100 myń teńgege deiin para alǵan jerden ustaldy.
Sot Ǵ.Jantórindi QR QK 366-baby 3-tarmaǵy boiynsha aiypty dep taýyp, oǵan 5 950 000 teńge kóleminde aiyppul saldy. Endi ol memlekettik qyzmetten ómir boiyna shettetildi. Sonymen qatar, jeke múlki memleket paidasyna tárkilenedi.
Sot barysynda Ǵ.Jantórin óz kinásin tolyǵymen moinyna aldy. Sot úkimi kúshine endi.
