Foto: ashyq derekkózden
Astananyń azamattyq ister jónindegi aýdanaralyq soty azamat A.-nyń Qazaqstan Respýblikasynyń Úkimetine "Qazaqstan Respýblikasynyń aýmaǵynda ýaqytty esepteý tártibi týraly" 2000 jylǵy 23 qarashadaǵy №1749 jáne oǵan ózgerister engizý týraly 2024 jylǵy 19 qańtardaǵy №20 qaýlyny zańsyz dep taný jáne kúshin joiý týraly talap qoiýy boiynsha isti qarady, - dep habarlaidy Ult.kz Astananyń azamattyq ister jónindegi aýdanaralyq sotyna silteme jasap.
Shaǵymdalǵan №20 qaýlynyń 3 jáne 3-1 tarmaqtarynda:
"3. Qazaqstan Respýblikasynyń búkil aýmaǵynda 5-shi saǵattyq beldeý qoldanylsyn";
"3-1. Astana, Almaty, Shymkent qalalarynyń, Aqmola, Almaty, Jambyl, Qaraǵandy, Qostanai, Pavlodar, Soltústik Qazaqstan, Túrkistan, Shyǵys Qazaqstan, Abai, Jetisý jáne Ulytaý oblystarynyń ákimdikteri 2024 jylǵy 29 aqpannan 2024 jylǵy 1 naýryzǵa qaraǵan túni (saǵat 00:00-de) jergilikti ýaqytty 1 saǵat artqa aýystyrsyn" - dep kórsetilgen.
Talap qoiýda ýaqyt beldeýiniń astronomiialyq ýaqytqa sáikes kelmeitindigi, jańa NQA qabyldaýǵa ákep soǵatyndai mátininiń jartysynan asatyn kólemde ózgerister engizý týraly sheshim qabyldaýǵa jaýapkerdiń ókilettiginiń joqtyǵy kórsetilgen.
"Sonymen qatar, 2000 jylǵy 23 qarashadaǵy qaýly qabyldanǵannan beri 24 jyldan astam ýaqyt ótken, talap qoiýshy talap qoiýdyń jalpy úsh jyldyq eskirý merzimin ótkizip alǵan. Normativtik quqyqtyq akt mátininiń jartysynan astamyn ózgertý týraly dálel rastalmady, bul mán-jai Úkimettiń qaýlysyn zańsyz dep tanýǵa negiz bola almaidy, sebebi jaýapkerdiń NQA shyǵarý rásimi buzylmaǵan".
Sot sheshimimen talap qoiýdy qanaǵattandyrýdan bas tartyldy. Sheshim zańdy kúshine engen joq.
