25 mamyr kúni elimizdiń barlyq mektepterinde oqý jylynyń aiaqtalýyna orai sońǵy qońyraý onlain rejimde soǵylady. Bul týraly QR Bilim jáne ǵylym vitse-ministri Sholpan Karinova aitty, dep habarlaidy "Ult aqparat".
«Bilim salasynda osy apta mańyzdy ekendigin estere otyryp, toqsandyq baqylaýlardyń durys ótkizilýin qadaǵalaý qajet. 25 mamyrda sońǵy qońyraý merekesi mindetti túrde onlain rejimde ótkiziletindigine nazar aýdartamyz. Al 3-4 maýsym kúnderi barlyq 11-synyp túlekterine attestat tapsyrý sharalaryn uiymdasqan jáne talaptardy saqtai otyryp ótkizýdi usynamyz», - dedi Sholpan Karinova ministrliktiń Facebook-tegi paraqshasynda onlain rejimde ótken apparat jinalysynda.
Osy rette QR Bilim jáne ǵylym ministrligi Ashat Aimaǵambetov joǵaryda atalǵan usynystar elimizdiń Densaýlyq saqtaý ministrligimen kelisilgendigin atap ótti.
«25 mamyrda onlain rejiminde 1-10 synyptarǵa arnalǵan sońǵy qońyraý synyp sabaqtaryn ótkizemiz. Jyl qorytyndysyn sol jerde ár synyp boiynsha jasaýǵa, ony ártúrli ýaqytta ótkizýge bolady. Ony asyra uiymdastyrýdyń qajeti joq. Ár synyp jetekshisi qai ýaqytta, qalai ótkizetindigin eshqandai esepsiz, suraýsyz jeke tártipte ótkizýi tiis», - dedi ministr.
