Soltústik Qazaqstan oblysynda joǵalǵan 69 jastaǵy er adamnyń denesi Esil ózeninen tabyldy, dep habarlaidy "Ult aqparat".
SQO tótenshe jaǵdailar departamenti baspasóz qyzmetiniń málimetinshe, Esil aýdany Birlik aýylynyń 1952 jyly týǵan turǵynyn qutqarýshylar 15-17 maýsym aralyǵynda Esil ózeninen izdedi. Mamandar 44 shaqyrymdy qarap shyqty.
Izdeý jumystary kezinde aýyldan eki shaqyrymdai jerde Ilinka eldi mekeni baǵytynda er adamnyń kóligi tabyldy. Sondai-aq Esil jaǵasynda adamnyń júrgen izderi anyqtaldy. Iz ózenge kirip joǵalǵan.
17 maýsym kúni saǵat 12.58-de departamenttiń izdeý toby er adamnyń denesin tapty. Ústinde kiimi bolǵan. Aǵys ony aýyldan 6 shaqyrymǵa alyp ketken. Marqumnyń neden qaitqany anyqtalady, sot-meditsinalyq saraptama taǵaiyndaldy.
Buǵan deiin SQO Esil aýdany Birlik aýylynyń 1952 jyly týǵan turǵynynyń belgisiz jaǵdaide Esil ózeniniń mańynda joǵalǵanyn aitqan edik.
