Soltústik Qazaqstan oblysynda joǵalǵan 8 jasar qyzdyń denesi 5 kúnnen keiin Esil ózeninen tabyldy, dep habarlaidy "Ult aqparat".
SQO tótenshe jaǵdailar departamenti baspasóz qyzmetiniń málimetinshe, búgin tańerteń saǵat 7.35 minýt ketkende Esil aýdany Pokrovka eldi mekeninen 7 shaqyrym jerde jedel-qutqarý jasaǵynyń qyzmetkerleri 8 jasar qyzdyń denesin Esil ózeninen alyp shyqty. 2012 jyly týǵan qyz 8 maýsym kúni Pokrovka aýylynda joǵalyp ketken edi.
Qyzdyń múrdesi sot-meditsinalyq saraptamaǵa jiberildi.
Jalpy jyl basynan SQO-da 7 adam sýǵa ketti, onyń úsheýi – bala.
SQO TJD qaýipsizdik erejelerin saqtaýǵa shaqyrady: arnaiy jaraqtandyrylǵan oryndarda ǵana sýǵa shomylýǵa bolady, jalǵyz jáne qarańǵyda sýǵa shomylýǵa barmańyz, balalardy jalǵyz ózderin ózen-kólderge jibermeńiz.
Bul eskertý aldaǵy kúnderi asa mańyzdy, óitkeni SQO-da 13-15 maýsym aralyǵynda qatty ystyq bolmaq, aýa temperatýrasy 35 gradýsqa deiin kóteriledi degen boljam bar.
