Soltústik Qazaqstan oblysynyń Aiyrtaý aýdanynda jabaiy úirekterden qus tumaýy rastaldy, dep habarlaidy "Ult aqparat".
Ólgen qusty jergilikti turǵyndar tapqan. Veterinariialyq qyzmettiń qyzmetkerleri taldaý jasaý jáne qustyń qyrylý sebebin anyqtaý maqsatynda biologiialyq materialdy jinaǵan.
Veterinariia basqarmasynyń habarlaýynsha, Nur-Sultan qalasynda ótkizilgen zertteýdiń hattamasyna sáikes, ólgen úirekterde qus tumaýy bolǵan.
Bul aýdanda úi qustarynyń qus tumaýyn juqtyrý oqiǵasy tirkelmegen. Sý qoimasynyń mańynda ornalasqan eldi mekenderde qustardy vaktsinalaý júrgizilýde. Qazirgi kezde 5,7 myń qusqa ekpe salynǵan.
Jaǵdaidy mal dárigerleri men múddeli vedomstvolar qadaǵalap otyr, jergilikti turǵyndarmen bailanys ornatylǵan. Jabaiy ózge qustardyń qyrylýy tirkelmegen.
