Soltústik Qazaqstan oblysynda Esil ózeniniń jaǵasynda sýretke túspek bolǵan eki boijetken aiaqtary taiyp ketip, sýǵa ketti, dep habarlaidy "Ult aqparat".
SQO tótenshe jaǵdailar departamentiniń málimetinshe, oqys oqiǵa 23 mamyr kúni saǵat 18.16 shamasynda bolǵan. «Sosnovyi bor» demalys ornynyń mańynda 1994 jyly jáne 2001 jyly týǵan eki adam sýǵa batyp ketti. 27 jastaǵy boijetken M.Jumabaev atyndaǵy joǵary kolledjde muǵalim bolyp eńbek etse, 20 jastaǵy ekinshisi sol oqý ornynyń 4-kýrsynda oqyǵan eken.
Oqiǵa ornynda bolǵan kýágerlerdiń aitýynsha, eki qyz Esil ózeniniń jaǵasynda sýǵa túspek bolǵan. Alaida aiaqtary taiyp ketip, sýǵa qulaǵan. Qatty aǵyn olardy qutqarýǵa múmkindik bermedi.
Deneleri sýdan shyǵarylyp, sot-meditsinalyq saraptamaǵa jiberildi.
