Foto: Pixabay.com
Soltústik Qazaqstan oblysynda kásipkerlerdi bopsalap kelgen eki blogerge sot úkimi shyqty. Atalǵan isti oblystyq qylmystyq ister jónindegi mamandandyrylǵan aýdanaralyq soty alqabiler alqasynyń qatysýymen qarady, dep habarlaidy SQO sotynyń baspasóz qyzmeti.
Sottalýshylar S. jáne P. saýda ortalyqtaryndaǵy zań buzýshylyq faktilerin anyqtaý boiynsha tekserýler júrgizýdi jáne áleýmettik jelilerde jariialamaý úshin «T» JShS direktorynan ai saiyn 200 myń teńge tóleýdi talap etken.
JShS direktory I. iskerlik bedeline nuqsan keltirýi múmkin dep eseptep, sottalýshylardyń talaptarymen kelise otyryp, bes ai ishinde olarǵa 1 mln teńge somasynda aqsha tólegen.
Osyǵan uqsas shema boiynsha sottalýshylar «M» JShS basqarýshy direktorynan 50 mln teńge somasynda aqsha bopsalady. Aqshanyń bir bóligin qolma-qol berý kezinde aiyptalýshylardyń biri ustaldy.
Sot sottalǵandardyń jaýapkershiligi men jazasyn jeńildetetin mán-jai retinde olardyń buryn sottalmaǵandyǵyn, S.-nyń asyraýynda jas balasynyń barlyǵyn eskerdi.
Sot alqabiler alqasynyń qatysýymen S. jáne P.-nyń árqaisysyna 7 jylǵa bas bostandyǵynan aiyrý jazasyn taǵaiyndady.
«T» JShS-niń azamattyq talaby qanaǵattandyryldy jáne sottalǵandardan 1 mln teńge óndirildi.
Úkim zańdy kúshine engen joq.
Esterińizge salaiyq, kásipkerden 50 mln teńge aqsha bopsalaǵan eki bloger 2023 jyly kúzde ustaldy.
