Soltústik Qazaqstan oblysynda bir kúnniń ishinde jazataiym oqiǵadan eki adam qaza tapty, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, 10 shilde kúni Esil aýdanynda 60 jastaǵy er adam attan qulap mert boldy. Aqjar aýdanynda simmental buqasy balyq aýlap otyrǵan 67 jastaǵy balyqshyǵa shabýyl jasaǵan. Biraz ýaqytqa maldy iesiz qaldyrǵan baqtashy qaityp kelgende jaraly er adamnyń ústinen shyqqan. Aýyr jaraqat alǵan aýyl turǵyny aýdandyq aýrýhanada qaitys boldy.
Atalǵan faktiler boiynsha aýdandyq politsiia bólimderiniń qyzmetkerleri tekserister júrgizip, saraptamalar taǵaiyndady.
Aqjar aýdanyndaǵy oqiǵa maldy qaraýsyz qaldyrýdyń qaýipti ekenin taǵy da kórsetip otyr. Baqtashy densaýlyqqa ziian keltirýge ákelip soqtyrǵan, mal jaiý erejelerin buzǵany úshin QR Ákimshilik quqyq buzýshylyq týraly kodeksiniń 408-baby 2-bóligi boiynsha jazalandy. Jalpy jyl basynan osy bap boiynsha 1229 hattama toltyryldy.
«Ieleri anyqtalǵanǵa deiin arnaiy qamaý oryndaryna 3225 mal qamaldy. Oblys turǵyndaryn zańnama talaptaryn saqtaýǵa, maldyń erkin baǵylýyna jol bermeýge jáne maldy kútý kezinde saq bolýǵa shaqyramyz», - deidi SQO politsiia departamenti jergilikti politsiia qyzmeti basqarmasynyń bastyǵy Aidyn Baimatov.
