Soltústik Qazaqstan oblysynda júk kóligi aýdarylyp, elektr taratý jelisin zaqymdady, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, jol- kólik oqiǵasy Petropavl mańyndaǵy ainalma joldardyń birinde bolǵan.
Tirkemesi bar «Volvo» júk kóliginiń 32 jastaǵy júrgizýshisi rýlge ie bola almai, kólikti aýdaryp alǵan. Petropavl turǵyny aýylsharýashylyǵy tehnikasyna arnalǵan qosalqy bólshekti artyp, Qaraǵandyǵa bet alǵan eken.
Jol-kólik oqiǵasy saldarynan elektr taratý jelisi zaqymdandy. Sondai-aq kólikti de jóndeý kerek bolady. Al onyń júrgizýshisi men jolaýshysy zardap shekken joq.
Tártip saqshylary osy derekke qatysty ákimshilik material jinady.
«Qazirgi ýaqytta politseiler «Qaýipsiz jol» jedel-profilaktikalyq is-sharasy aiasynda jumys istep jatyr. Maqsat – jol-kólik oqiǵalarynyń aldyn alý, júrgizýshilerdi jol qozǵalysy erejelerin ustanýǵa shaqyrý. Al j yldamdyq rejimin saqtaý, qyraǵylyq jáne jol erejesin buzýǵa jol bermeý – qaýipsizdiktiń kepili», - deidi SQO PD PPB komandiri Qanat Álimjanov
