AQSh Siriiada Túrkiia áskeri men kúrd jasaqtary arasynda qaqtyǵystyń ýaqytsha toqtatylýyn quptaidy. Biraq ýaqytsha bitimniń qanshaǵa sozylatyny belgisiz. AQSh avtonomiia úshin kúresip júrgen kúrd jasaqtaryn odaqtas sanaidy.
AQSh memlekettik departamentiniń ókili Djon Kirbi eki tarap arasyndaǵy beibitshiliktiń 12-den 18 saǵatqa uzarǵanyn jáne AQSh koalitsiia músheleriniń "Islam memleketi" uiymyna qarsy soǵysqa jumylǵanyn qalaitynyn aitady.
"Sońǵy birneshe saǵattyń ishinde bizge barlyq taraptardyń urysty toqtatyp, "Islam memleketin" nysanaǵa alǵanyn rastap jatyr. Urys kem degende kelesi birneshe kúnge sozylady jáne biz janjal budan ary toqtaidy dep úmittenemiz, - deidi AQSh-tyń ortalyq qolbasshylyq shtaby ókili Djon Tomas.
Vashington sońǵy aptada Túrkiianyń soltústik Siriiany basyp kire bastaǵannan beri odaqtastarynyń arasyndaǵy qaqtyǵystardy toqtatýǵa kúsh jumsap keledi.
Kúrtd jasaqtary jetekshiliginiń ókili Túrkiiamen aradaǵy janjaldyń toqtatylǵanyn málimdedi. Biraq Túrkiia áskerileri eki arada qandai da bir kelisim bolǵanyn joqqa shyǵaryp otyr. Túrkiiamen de soǵysyp júrgen Siriia kóterilisshileriniń komandiri muny tek «úzilis» dep atap, áskeri operatsiialar taiaýda qaitadan jandanatynyn aitty.
