Ortalyq kommýnikatsiialar qyzmetinde ótken brifingide joǵary sanatty pýlmonolog, meditsina ǵylymdarynyń doktory Natalia Latypova sintetikalyq maska taǵý pnevmoniiany órshitetin-órshitpeitini týraly pikir aitty, dep habarlaidy QazAqparat.
«Árine, maskanyń jaramdylyq merzimi bolady jáne bakteriialar matanyń ózinde jinalyp qalýy múmkin bolǵandyqtan ony aýystyryp otyrý usynylady», - deidi kazala Natalia Latypova.
Onyń aitýynsha, ár maskany 2 saǵattan bir táýlikke deiin taǵýǵa bolady.
«Ol maskanyń qandai materialdan jasalǵanyna bailanysty. Biraq maska pnevmoniiany órshitip jiberýi múmkin dep aitý qiyn, tipti múmkin emes dep oilaimyn. Maska taǵý koronavirýstyń órshýine sebepshi bolatyn jetekshi ári basty sebep bolýy múmkin emes», - deidi ol.
