«Qazgidromet» RMK aýa raiynyń buzylýyna bailanysty 1 shildege birneshe óńirde eskertý jariialady, dep habarlaidy "Ult aqparat".
Atap aitqanda, Aqtóbe oblysynda naizaǵai, burshaq kútiledi. Kúndiz oblystyń ońtústiginde qatty jańbyr jaýady. Soltústikten, soltústik-shyǵystan soǵatyn jeldiń kúshi 15-20 m/s kúsheiedi.
Aqmola oblysynyń kei jerlerinde naizaǵai boljanady. Túnde jáne tańerteń tuman bolady. Soltústikten, soltústik-shyǵystan soǵatyn jeldiń ekpini kúndiz 15-20 m/s jetedi.
Qyzylorda oblysynyń kei jerlerinde kúndiz naizaǵai, daýyl, burshaq kútiledi. Jel soltústik-batystan soǵady, kúshi kei jerlerde 15-20, ekpini 23-28 m/s artady.
Qostanai oblysynyń kei jerlerinde naizaǵai, burshaq, túnde jáne tańerteń kei jerlerde tuman kútiledi. Soltústikten soqqan jeldiń jyldamdyǵy 15-20 m/s kúsheiedi.
Soltústik Qazaqstan oblysynyń basym bóliginde jańbyr jaýyp, naizaǵai, tuman kútiledi. Soltústikten jel soǵady, túnde onyń kúshi 15-20 m/s artady.
