Foto ©REUTERS
Japoniianyń burynǵy premer-ministri Sindzo Abeniń ómirine qastandyq jasaǵan kúdikti anyqtaldy, - dep habarlaidy Tengrinews.kz tilshisi NHK teleradiokompaniiasyna silteme jasap.
Politsiia Nara qalasynda 41 jastaǵy Iamagami Tetsýiany qamaýǵa alǵan. Ol buǵan deiin Japoniianyń teńizdegi qorǵaý kúshterinde qyzmet etkeni habarlandy. Oqiǵa ornynda politseiler qoldan jasalǵan qarýdy tárkiledi.
Oqiǵanyń kýágeri bolǵan eki áiel NHK arnasyna bergen suhbatynda, er adam Abe sóz sóilep jatqanda artynan kelgenin aitty. Kýágerlerdiń aitýynsha, alǵashqy oqtan eshkim zardap shekpegen. Alaida ekinshi ret oq atylǵanda Abe jerge qulaǵan.
Qazir Japoniianyń burynǵy premer-ministri Sindzo Abe aýrýhanada jatyr. Ministrler kabinetiniń bas hatshysy Hirokadzý Matsýno Japoniia úkimeti burynǵy premer-ministrge jasalǵan qastandyq áreketti qatań aiyptaitynyn aitty.
"Dárigerler qoldan kelgenniń bárin jasap jatyr. Men burynǵy premer-ministr Abe aman qalady dep úmittenemin jáne duǵa etemin", - dedi Kisida jýrnalisterdiń suraǵyna jaýap berip.
Onyń aitýynsha, Sindzo Abeniń jaǵdaiy aýyr.
Eske salaiyq, búgin tańerteń Japoniianyń burynǵy premer-ministri Sindzo Abe eldiń batysyndaǵy Nara qalasynda kópshilik aldynda sóz sóilep turǵan jerinde shabýylǵa ushyrap, aýyr jaraqat aldy.
