Ótken táýlik ishinde QHR Shyńjań-Uiǵyr avtonomdyq aýdanynda (ShUAA) koronavirýsqa shaldyǵýdyń jańa 89 jáne aýrýdyń klinikalyq belgi joq 15 jaǵdai anyqtaldy, dep habarlaidy "Ult aqparat".
«28 shilde kúngi saǵat 00:00-degi jaǵdai boiynsha Shyńjań-Uiǵyr avtonomdyq aýdany, sonyń ishinde Shyńjań óndiristik-qurylys korpýsynda (ShÓQK) koronavirýs juqtyrýdyń 89 rastalǵan oqiǵasy jáne aýrý belgilerinsiz júrgen 15 adam anyqtaldy.
Jalpy alǵanda, Shyńjańda COVID-19 juqtyrýdyń 322 rastalǵan oqiǵasy (sonyń ishinde 320-sy – Úrimjide, bireýi – Qashǵar aimaǵynda jáne taǵy bireýi – ShÓQK-da tirkelgen. Sondai-aq, aýrý belgileri joq 133 adam anyqtaldy. 9 myńnan astam adam dárigerler qaraýynda júr», - delingen komitettiń aqparattyq biýlleteninde.
QHR Densaýlyq saqtaý isi jónindegi memlekettik komitetiniń málimetinshe, sońǵy táýlikte Qytaida koronavirýs juqtyrýdyń 98 rastalǵan oqiǵasy tirkeldi, sonyń ishinde 89-y – Shyńjań-Uiǵyr avtonomdyq aýdany, 8-i – Liaonin provintsiiasy jáne bireýi Beijińde anyqtaldy.
Eske salsaq, Qytaidyń birneshe óńirinde koronavirýstyń oshaǵy anyqtalǵany týraly habarlaǵan bolatynbyz.
