Qytaidyń Shyńjan-Uiǵyr avtonomiialyq ólkesinde COVID-19 jańa koronavirýsyn juqtyrǵandar sany 115-ke jetti, dep habarlaidy "Ult aqparat" jergilikti densaýlyq saqtaý komitetine silteme jasap.
«Ótken táýlikte ólkede Shyńjan óndiristik-qurylys korpýsyn qosqanda (ShÓQK) 20 koronavirýs juqtyrý oqiǵasy tirkeldi. Jalpy 2020 jyldyń 24 shildesi 24.00-degi málimet boiynsha, Shyńjanda 115 infektsiiaǵa shaldyǵý oqiǵasy (onyń 113-i - Úrimjide, bireýi - Qashqarda jáne taǵy biri - ShÓQK-de), sonymen qatar 114 simptomsyz virýs tasylmaldaýshylar anyqtalǵan (barlyǵy Úrimjide). 7 myńnan asa adam meditsina qyzmetkerleriniń baqylaýynda» delingen komitettiń aqparat biýlleteninde.
Buǵan deiin Úrimji qalasynyń eki aýdany epidemiialogiialyq qaýip dárejesi joǵary eldimekender dep jariialanǵan.
Eske sala ketsek, Shyńjanda COVID-19 virýsy tarai bastaǵan sátten keiin 149 kún boiy koronavirýs juqtyrý oqiǵasy tirkelmedi.
Shyńjan-Uiǵyr avtonomdy aýdanyndaǵy eń alǵashqy infektsiiaǵa shaldyǵý oqiǵasy 23 qańtar kúni anyqtalǵan.
