Foto: Shymkent densaýlyq saqtaý basqarmasynyń baspasóz qyzmeti
Shymkentte 65 jastaǵy er adam kámpitke qaqalyp, ajal aýzynan aman qaldy, dep habarlaidy Ult.kz.
Qalalyq densaýlyq saqtaý basqarmasynyń málimetinshe, tátti tynys alý jolyna túsip, iri bronhty tolyq bitep tastaǵan. Sonyń saldarynan er adamnyń tynysy sanaýly sekýndtar ishinde qiyndap, jaǵdaiy kúrt nasharlaǵan.
Naýqas shuǵyl túrde №1 qalalyq klinikalyq aýrýhanaǵa jetkizildi. Dárigerler birden áreketke kóship, arnaiy quraldardyń kómegimen bógde zatty tynys alý jolynan alyp shyqty.
“Der kezinde kórsetilgen kómektiń arqasynda patsienttiń tynysy qalpyna keltirildi. Sál keshikkende jaǵdai qaiǵyly aiaqtalýy múmkin edi”, – dep habarlady dárigerler.
Qazirgi tańda er adamnyń jaǵdaiy turaqty. Ol qajetti emin alyp, aýrýhanadan shyǵarylǵan.
