Foto: freepik.com
Shymkentte áleýmettik jeli arqyly jumys izdep barǵan 18 jastaǵy stýdent zorlyq-zombylyq qurbany boldy. Ýáde etilgen jumys ony intim qyzmet kórsetýge májbúrleýmen aiaqtalǵan, dep habarlaidy Ult.kz Almaty.tv-ǵa silteme jasap.
Jábirlenýshiniń aitýynsha, qala turǵyndarynyń biri oǵan qatysty zorlyq áreket jasaǵan. Qyzdyń týystary kúdiktiler áli jaýapqa tartylmaǵanyn aitady.
Oqiǵa byltyr jazda bolǵan. Jas boijetken áleýmettik jelidegi habarlandyrýǵa jaýap berip, ǵimaratqa barǵan. Alaida onda «bodi-massaj» qyzmeti kórsetiletini belgili bolyp, qyz syrtqa shyǵa almai qalǵan jáne kúshtep ustalýy saldarynan kelisýge májbúr bolǵan.
«Meni ishke kúshtep kirgizdi. Syrtqa shyqpaq bolǵanymda, esiktiń aldynda kúzetshiler turdy. Jylap, aiqailaǵanyma qaramastan jibermedi. Tek massaj jasasam boldy dep ýáde berdi», – deidi jábirlenýshi.
Qyzdyń aryzyna qaramastan ǵimarat monsha retinde jumysyn jalǵastyryp jatyr. Jábirlenýshiniń ata-anasy quzyrly organdardyń eshqandai shara qoldanbaǵanyna narazylyq bildirip, istiń tez qaralýyn talap etýde.
Shymkent Politsiia departamentiniń habarlaýynsha, zorlaý deregi boiynsha qylmystyq is qozǵalyp, kúdikti ustaldy. Qazirgi ýaqytta istiń mán-jaiyn anyqtaýǵa keshendi tergeý sharalary júrgizilýde.
