Foto: Ontustik.tv
Shymkent politsiia departamenti jarty ai buryn joǵalǵan 20 jastaǵy jigittiń ólimine qatysty túsinik berdi, dep habarlaidy Massaget.kz.
Politseiler joǵalǵan adamnyń ólimine qatysty qylmystyq is qozǵady.
"Kózben sholyp shyqqanda zorlyq-zombylyqpen ólim belgileri anyqtalǵan joq. Oqiǵanyń barlyq mán-jaiyn anyqtaýǵa baǵyttalǵan jedel-izdestirý sharalar kesheni júrgizilip jatyr", - delingen habarlamada.
Eske salaiyq, buǵan deiin 20 jastaǵy Báidibek Aqmyrzauly qańtarda joǵalyp ketkeni habarlandy. Ol keiingi ret Shymkenttegi áýejaida dosyn shyǵaryp salyp, qoǵamdyq kólikke otyrǵan.
Jas jigit 2025 jylǵy 14 qańtarda Túrkistan oblysy Ordabasy aýdanynan Shymkentke júrgizýshi kýáligin alýǵa barǵan. Keiin saǵat 14:37 shamasynda dosyn áýejaida shyǵaryp salǵan.
"15:22-de "Qatyn kópir" aialdamasy mańynda bir uialy telefony óshken, al 16:00 shamasynda ekinshi telefony óship qalǵan. Sońǵy ret ákesimen jeli arqyly aýylǵa qaitatynyn aityp bailanysqan. Odan keiin ushty-kúili joq, - deidi jaqyndary.
Joǵalǵan azamattyń týystary eki kúnnen keiin, 16 qańtarda Turan aýdandyq politsiia bólimine aryzdanǵan.
