Foto: Polisia.kz
Shymkentte zańsyz satylǵan 500-ge jýyq veip tárkilendi, dep habarlaidy Polisia.kz.
“Dármek” jedel-profilaktikalyq is-sharasy aiasynda politsiia qyzmetkerleri ekonomikalyq tergeý departamentimen birlesip, elektrondyq tutyný júielerin zańsyz saýdalaýmen ainalysqan toptyń jolyn kesti.
Tergeý málimetinshe, úsh jas jigit messendjer arqyly arna ashyp, sol jerde veip ónimderin jarnamalap, satýmen ainalysqan. Jedel is-sharalar barysynda kúdiktiler anyqtalyp, ustaldy.
Tekserý kezinde zańsyz ainalymnan 500-ge jýyq veip tárkilendi. Atalǵan derek boiynsha qylmystyq is qozǵalyp, tergeý amaldary jalǵasyp jatyr.
Tártip saqshylary elektrondyq tutyný júielerin zańsyz satý qylmystyq jaýapkershilikke ákep soǵatynyn eskertti.
