Foto: Polisia.kz
Shymkent qalasynyń politsiia departamenti kiberqylmysqa qarsy is-qimyl basqarmasynyń qyzmetkerleri megapolistegi joǵary oqý oryndarynyń biriniń stýdentterin aldaý shemasynyń jolyn kesti, - dep habarlaidy Ult.kz Polisia.kz-ke silteme jasap.
Tergeý málimetteri boiynsha, 2025 jyldyń qazan aiynan bastap eki kúdikti TikTok áleýmettik jelisi arqyly stýdentterdiń paraqshalaryn anyqtap, arnaiy bottardyń kómegimen olardyń uialy telefon nómirleri men jeke derekterin jinaǵan. Keiin oqý ornynyń portal júiesi arqyly stýdentterdiń úlgerim kórsetkishterin tekserip, keibir stýdentterdiń synaqtar boiynsha jetkiliksiz baldary baryn anyqtaǵan.
Kúdiktiler stýdentterge ýaqytsha nómirler arqyly messendjerde habarlasyp, ózderin ýniversitet qyzmetkerleri retinde tanystyrǵan. Olar synaqtan ótý úshin bir ball jetispeitinin, sol sebepten akademiialyq qaryz nemese emtihanǵa jiberilmeý qaýpi bar ekenin aityp, "máseleni sheship berýdi" jáne baǵalardy "túzetýdi" usynǵan. Osy jalǵan qyzmet úshin ár stýdentten 70-80 myń teńge alyp, habarsyz ketken. Qazirgi tańda kúdiktilerdiń alty epizodqa qatysy bar ekeni anyqtaldy, tergeý amaldary júrgizilýde.
Politsiia azamattardy internet-alaiaqtardyń áreketterine qarsy saq bolýǵa shaqyrady. Áleýmettik jeliler men messendjerler arqyly túrli uiymdar nemese qyzmetterdiń atynan habarlasqan jaǵdaida, "shuǵyl másele" dep qorqytyp aqsha aýdarýǵa kóndirý áreketterine senbeńiz. Jeke derekterińizdi, rastaý kodtaryn bógde adamdarǵa bermeńiz, beitanys tulǵalardyń shottaryna aqsha aýdarmańyz. Kúdik týyndaǵan jaǵdaida habarlaýdy dereý toqtatyp, quqyq qorǵaý organdaryna júginińiz.
