Shymkentte shyǵarylǵan aiaq kiimderge búginde suranys artyp, importty almastyryp keledi. «Qazaqstanda jasalǵan» degen tańbamen el naryǵynda satylyp jatqan aiaq kiimder bylǵary jáne qoltyraýyn terilerinen jasalady. «Zaria» degen saýda belgisimen ónim shyǵaratyn tseh erler, áielder jáne balalarǵa arnalǵan qystyq, jazdyq jáne sporttyq sekildi 27 túrli aiaq kiim shyǵarady. Qazirgi zamanǵa laiyqty 180 model tigiledi.
Ónimder sheteldikten esh kem emes ekenin aitqan kásipker aiaq kiimdi bir satyp alǵan adam turaqty klientke ainalatynyn aitýda. Sebebi sapasy joǵary, jaǵymsyz iis shyǵarmaidy.Otandyq ónim shyǵaryp otyrǵan kásipker shikizattyń basym kópshiligin Shymkenttegi qarakól zaýytynan jáne Almaty men Semei qalalarynan alyp otyr. Ónimin eksportqa shyǵarýdy kózdep otyrǵan tseh basshysy búginde Resei kásipkerlerimen kelissózder júrgizgen. Kelisim oń nátijesin berse, olar aiyna 1000 juptan astam ónim almaq.
Sondai-aq, tseh ónimine Astana men Aqtóbe qalalarynyń kásipkerleri de qyzyǵýshylyq tanytyp otyr. Olar óz qalalarynda «Zaria» aiaq kiim dúkenin ashýdy kózdeýde.Búginde 30-40 jup aiaq kiim shyǵaryp otyrǵan tseh ónimderin OQO men Jambyl, Qyzylorda oblystarynda jáne Almaty qalasynyń naryǵyna shyǵaryp keledi.
Aita keteiik, ónimniń baǵasyda qaltaǵa qonymdy. Máselen, erlerge arnalǵan aiaq kiim 5-10 myń teńge aralyǵynda bolsa, áielder aiaq kiimi 5-15 myń teńge tóńireginde. Al, balalar aiaq kiimin 4000-8000 teńgege satyp alýyńyzǵa bolady.
