Foto: Aqorda
Shymkent qalasynda QR Premer-Ministriniń orynbasary – Mádeniet jáne aqparat ministri Aida Balaeva Qazaqstan Respýblikasynyń Prezidenti Qasym-Jomart Toqaevtyń atynan mýzykalyq bilim berý salasynyń pedagogterine memlekettik nagradalar tapsyrdy, dep habarlaidy Ult.kz.
Marapattaý rásiminde Aida Balaeva óner salasynyń ustazdary mádeni qundylyqtardy saqtap, keńinen nasihattaýda, sondai-aq óskeleń urpaqtyń shyǵarmashylyq áleýetin qalyptastyrýda airyqsha ról atqaratynyn atap ótti.
Ulttyq qundylyqtardy dáripteýge jáne kúi ónerin keńinen nasihattaýǵa baǵyttalǵan «Kúi kúmbiri» respýblikalyq aktsiiasyn uiymdastyrý men ótkizýge qosqan úlesi úshin Prezident Jarlyǵymen tómendegi pedagogter marapattaldy:
– «Qurmet» ordenimen – Y.Altynsarin atyndaǵy №65 mektep-gimnaziiasynyń mýzyka páni muǵalimi Gúlfairýz Eljanova;
– «Eren eńbegi úshin» medalimen – №46 mektep-litseidiń mýzyka páni muǵalimi Erkejan Namazova;
– «Alǵys» gramotasymen – №58 jalpy orta bilim beretin mekteptiń mýzyka páni muǵalimi Gúlzira Darjanova.
