Shymkentte koronavirýs juqtyrǵan 7 adamda «delta» shtamy bolýy múmkin. Sanitariialyq-epidemiialogiialyq baqylaý departamenti osylai dep málimdedi, dep habarlady Otyrar.kz.
Úndi shtamyn juqtyrǵan dep kúdiktelgenderdiń biri maýsymnyń 20-sy kúni dúniege kelgen náreste. Nátije laboratoriianyń birinshi satysynda anyqtalǵan. Alaida, koronovirýs indetiniń úndi shtamyn anyqtaý birneshe saty arqyly júzege asyrylady. Al áli bir aiǵa tolmaǵan búldirshin COVID-19 indetin anasynan juqtyrǵan eken.
«Bizdiń qalamyzda sońǵy jaǵdai boiynsha 20 maýsymda týǵan nárestede KVI anyqtaldy. Anasynda virýstyń klinikalyq simptomdary bolǵan eken. Tekseristerden soń balaǵa anasynan juqtyrǵany belgili boldy. Náresteniń dene qyzýy kóterilgen, mazasyzdanyp, ishi ótken. Sýyqtaǵan siiaqty bolyp bastalǵan. Biraq koronavirýs indetine teksergen kezde oń nátije berip otyr. Sonyń sebebinen de «delta» dep boljap otyrmyz», - dedi Shymkent qalasy sanitariialyq-epidemiialogiialyq baqylaý departamenti basshysynyń orynbasary Aigúl Turymbetova.
Mamandardyń sózinshe, sońǵy kezderi jastar arasynda KVI juqtyrý artyp keledi. Máselen, sońǵy eki aptada qalada 908 adamnan qaýipti indet anyqtalsa, sonyń 148-i 18 jasqa deiingi balalar eken.
Sondai-aq, Shymkent qalasynyń «qyzyl» aimaqqa kirýine bailanysty shahardyń bas memlekettik sanitariialyq dárigeriniń epidemiologiialyq jaǵdai turaqtalǵanǵa deiin karantin rejimin uzartý týraly jańa qaýlysy shyqty.
Endi halyqqa qyzmet kórsetý obektileriniń, bilim berý, densaýlyq saqtaý, mádeniet nysandary men saýda oryndarynyń jáne taǵy ózge halyqpen tyǵyz bailanysta bolatyn uiymdardyń vaktsina saldyrmaǵan qyzmetkerlerine kúndizgi jumysqa kelýi shekteldi.
