Foto: Gov.kz
Shymkentte farmatsevtikalyq óndiristi keńeitý úshin 39,5 mlrd teńge jeke investitsiialar baǵyttalady, dep habarlaidy Ult.kz.
Memleket basshysynyń farmatsevtika salasyndaǵy otandyq óndiristiń úlesin ulǵaitý jónindegi tapsyrmalary sheńberinde Qazaqstan Respýblikasynyń Úkimeti Densaýlyq saqtaý ministrligi men «Himfarm» AQ arasynda «Halyqty neǵurlym qoljetimdi dárilik preparattarmen qamtamasyz etý jáne Qazaqstan Respýblikasynyń farmatsevtika indýstriiasyndaǵy otandyq dári-dármek óndirisiniń úlesin ulǵaitý» jobasy boiynsha jasalǵan Investitsiialar týraly kelisimdi maquldady.
Tiisti qaýlyǵa QR Premer-ministri Oljas Bektenov qol qoidy.
Joba qazaqstandyq taýar óndirýshilerdiń úlesin arttyrýǵa, eldiń dárilik qaýipsizdigin nyǵaitýǵa jáne investitsiialardy tartýǵa baǵyttalǵan.
Kelisim Shymkent qalasyndaǵy Polpharma Santo kompaniiasynda 300 jańa jumys ornyn asha otyryp, iri investitsiialyq jobanyń jańa kezeńiniń bastalýyna jol ashty. Jeke investitsiialardyń jalpy kólemi ǵylymi zertteýlerdi damytýǵa baǵyttalǵan qarajatty qosa alǵanda 39,5 mlrd teńgeni quraidy. Jańa óndiristiń birinshi kezeńin iske qosý 2029 jyldyń sońyna josparlanyp otyr.
Jańa óndiristik qýattar onkologiialyq, júrek-qan tamyr, infektsiialyq jáne sozylmaly aýrýlardy, sonyń ishinde týberkýlezdi emdeýge arnalǵan 38 túrli dárilik zatty shyǵarýǵa múmkindik beredi. Óndiris halyqaralyq sapa standarttaryna sáikes keledi.
Joba memlekettiń strategiialyq mindetterine sáikes keledi, salanyń turaqty tehnologiialyq bazasyn qalyptastyrady, halyq úshin dárilik zattardyń sapasy men qoljetimdiligin qamtamasyz etýge, sondai-aq eksporttyq áleýetti nyǵaitýǵa baǵyttalǵan.
Jalpy alǵanda, farmatsevtikalyq ónimder óndirisi salasynda 316,3 mlrd teńge somasyna 6 investitsiialyq kelisim jasaldy, bul salanyń kezeń-kezeńimen damyp kele jatqanyn, investitsiialyq tartymdylyǵynyń artýyn, óndiristi lokalizatsiialaý úshin ornyqty bazanyń qalyptasýyn jáne eldiń dárilik qaýipsizdiginiń nyǵaiýyn kórsetedi.
