©Sputnik / Aleksandr Kriajev
Shymkent politsiiasy dámhanalardyń birinde mert bolǵan oqýshynyń jumbaq ólimin tergep jatyr.
Otyrar basylymynyń aqparatynsha, 9-synypty bitirgen qyz saýda ortalyǵyndaǵy jyldam tamaqtaný dámhanasyna jumysqa kirgen. 3 shilde kúni oqýshynyń ata-anasyna jumystan sýyt habar jetti, biraq dámhana qyzmetkerleri qyzdyń ólimine qatysty ártúrli nusqa aitqan, dep habarlaidy Sputnik Qazaqstan agenttigi.
"Men ony máiithanada kórgende búkil beti qantalaǵan, qulaǵynyń arty qan, basy isip tur", - deidi marqumnyń anasy.
Dámhana iesi men qyzmetkerlerdiń eki nusqasy bar – qyzdy toq soqty jáne júregi aýyrdy.
"Olardyń aitqany janymyzǵa qatty batty. Olardyń sózinshe, tańerteń A. jumysqa kelip, ash qarynǵa energetikalyq sýsyn ishken. Osydan keiin onyń júregi aýyryp, qulap qalypty. Bul túsiniksiz, óitkeni bizge alǵashynda ony toq soqty degen. Biz onymen birge istegen qyzdan suradyq. Ol toq soqqanyn, basynan tútin shyqqanyn aitty", - deidi oqýshy qyzdyń aǵasy Jeńishan Qalybai.
Anasynyń aitýynsha, qyzdyń júregi eshqashan aýyrmaǵan. Ol sińlisimen jumys istepti, sińlisine jumys ornynda joǵary kerneý bar ekenin eskertken.
"Alǵashynda maǵan aspazdyń kómekshisi bolasyń dedi. Keiin eden jýǵyzyp qoidy, biraq keibir jerlerde toq baryn eskertti, sol úshin men abailap jýdym", - deidi marqumnyń sińlisi.
Politsiia baiqaýsyzda adam ólimine ákep soqqan, qaýipsizdik tehnikasy erejelerin buzý faktisi boiynsha tergeý júrgizip jatyr. Týystarynyń qolynda saraptamanyń aldyn ala qorytyndysy bar. Sarapshylar qyzdy toq soqty degen qorytyndyǵa kelip otyr.
Saraptamanyń sońǵy qorytyndysy 20 kúnnen keiin daiyn bolady.
Qazir jas qyzmetker qaza bolǵan mekeme jabyq tur.
