Foto: nikopol.informator.ua
Shymkentte 75 jastaǵy azamattan sibir jarasy anyqtaldy, dep habarlaidy Ult.kz.
Aldyn ala boljam boiynsha, infektsiiany bazardan satyp alǵan etten juqtyrýy múmkin. Málimetterge súiensek, kúdikti kásipker alty bas iri qarany soiyp, etin qaladaǵy saýda oryndaryna taratqan. Alaida ol ózine tiesili mal bordaqylaý alańyn tekserý úshin quzyrly organdardy kirgizbei otyrǵan kórinedi.
Al mamandar indettiń taralý jolyn anyqtaýǵa kirisken. Búginde naýqas aýrýhanada, dárigerlerdiń baqylaýynda jatyr.
"Naýqas statsionarǵa túsken sátten bastap tolyq kólemde tekserýden ótkizilip, qajetti zerthanalyq jáne aspaptyq zertteýler taǵaiyndaldy. Zertteý nátijeleri boiynsha infektsiialyq aýrý diagnozy rastaldy. Qazirgi tańda emdeý bekitilgen klinikalyq hattamaǵa sáikes júrgizilip jatyr", – dedi qalalyq Densaýlyq saqtaý basqarmasynyń baspasóz qyzmeti.
