Foto: Ashyq derekkózden
Shymkentte 7 jastaǵy oqýshyǵa qatysty jynystyq sipattaǵy áreketter jasady degen kúdikpen muǵalim tergelýde ekeni týraly aqparat Kriminalnyi Kazahstan telegram aransynda shyqqan. Oqiǵa 25 aqpanda oqý protsesi kezinde bolǵan. Jábirlenýshi qyzdyń anasynyń aitýynsha, qyzy úige jabyrqaýly kúide oralyp, denesiniń aýyrǵanyn aitqan. Keiin bala 36 jastaǵy muǵalimniń ony kúshtep tizesine otyrǵyzyp, jiberýin ótingenine qaramastan ádepsiz áreketter jasaǵanyn aitqan, dep habarlaidy Ult.kz.«“Mama, tómengi jaǵym aýyryp tur. Muǵalim partama kelip, basymdy óziniń tómengi tusyna qysty. Aýzyma qatty nárse tidi”, — dedi ol. Ol qyzymdy aldyna otyrǵyzyp, ustap-sipalaǵan. Óziniń múshesin kiimniń syrtynan qysyp turǵan. Qyzym turǵysy kelgende, jibermegen. Tipti “Jiberińizshi, maǵan aýyrdy” degende de, qolynan qatty ustap, bosatpaǵan», — deidi anasy.
Ata-anasy jaǵdaidy anyqtaýǵa tyrysqan kezde mektep ákimshiligi qarsylyq kórsetken. Málimetke sáikes, direktor beinebaqylaý kameralaryndaǵy jazbalardy kórsetýden úzildi-kesildi bas tartqan. Sonyń saldarynan janjal týyndap, tóbeles bolǵan. Anasynyń aitýynsha, osy kezde balanyń ákesi zardap shekken.
Beinejazbalardy tek politsiia shaqyrylyp, tiisti departamentke júgingennen keiin ǵana alý múmkin bolǵan. Kadrlar pedagogtiń qarsylyq bildirgen qyzdy kúshtep tizesine otyrǵyzǵanyn rastady. Al muǵalim ata-analarmen kezdesken kezde naqty túsinikteme bere almai, jylap qana otyrǵan.
Shymkent qalalyq Politsiia departamentinde QR Qylmystyq kodeksiniń 121-baby boiynsha quqyqbuzýshylyq tirkelgeni resmi túrde rastaldy. Qazirgi ýaqytta oqiǵanyń tolyq mán-jaiyn anyqtaý úshin barlyq qajetti saraptamalar men tergeý áreketteri júrgizilýde.
Tengrinews.kz redaktsiiasy túsinikteme alý úshin Shymkent qalasynyń politsiiasyna júgingen eken. Vedomstvonyń habarlaýynsha, áieldiń kámeletke tolmaǵan qyzyna tiiskeni týraly aryzy negizinde qylmystyq is qozǵalǵan.
«Qyz balaǵa qatysty zańǵa qaishy áreketter jasady degen kúdikpen Shymkent qalasynyń turǵyny ustalyp, politsiia bólimshesine jetkizildi. Qazirgi ýaqytta tergeý-jedel toby oqiǵanyń barlyq mán-jaiyn jan-jaqty, tolyq jáne obektivti anyqtaýǵa baǵyttalǵan keshendi is-sharalar júrgizýde. Beinebaqylaý kameralaryndaǵy jazbalar zerdelenip, yqtimal kýágerler men basqa da tulǵalardan jaýap alynýda. Barlyq ýájder tekserilip, jinalǵan materialdar men derekter taldanyp, salystyrylýda», – delingen Shymkent qalalyq PD baspasóz qyzmetiniń habarlamasynda.
Tergeý barysy departament basshylyǵynyń erekshe baqylaýynda.
Politsiia eskertedi: kez kelgen quqyqqa qaishy áreketter, ásirese kámeletke tolmaǵandarǵa qatysty jasalǵan qylmystar qatań túrde toqtatylady, al kináli tulǵalar zańda belgilengen jaýapkershilikke mindetti túrde tartylady. Birde-bir quqyqbuzýshylyq jazasyz qalmaidy.
