Foto:depositphotos.com
Shymkentte jol-kólik oqiǵasynan keiin aýyr jaǵdaida aýrýhanaǵa túsken 31 jastaǵy patsient 35 kún komada jatqannan keiin esin jidy. Bul týraly qalalyq densaýlyq saqtaý basqarmasy habarlady.
Málimetke sáikes, naýqas jol apaty saldarynan asa aýyr jaraqat alyp, ómirine úlken qaýip tóngen. Dárigerler oǵan birneshe kúrdeli operatsiia jasap, bir aidan astam ýaqyt boiy ómiri úshin kúresken.
Keshe patsient kózin ashyp, esin jiǵan. Qazirgi ýaqytta onyń jaǵdaiy turaqtalyp, ózdiginen tamaqtana bastaǵan.
Dárigerlerdiń aitýynsha, naýqasqa aýyr bas súiek-mi jaraqaty, mi soǵylýy, bas súiek súiekteriniń synýy jáne keýde qýysynyń jaraqaty diagnozdary qoiylǵan. Sondai-aq mi isinýi men gematomalar anyqtalǵan.
Mamandar shuǵyl operatsiia jasap, bas súiegine trepanatsiia júrgizip, jedel epidýraldy gematomany alyp tastaǵan.
Dárigerler bul jaǵdaidy olardyń kásibiligi men patsienttiń ómirge degen erik-jigeriniń nátijesi ekenin atap ótti.
