Foto: ashyq derekkóz
Qazaqstan Respýblikasy Ishki ister ministrligi Shymkent qalasynda asa iri kólemdegi alaiaqtyq jáne bopsalaý derekteriniń joly kesilgenin málimdedi, dep habarlaidy Ult.kz.
Tergeý málimetinshe, kúdikti alaiaqtyq jolmen quny shamamen 2,5 million AQSh dollaryn quraityn biznesti iemdengen. Ol esep aiyrysý kriptovaliýta — bitkoin arqyly júrgiziledi degen syltaýmen kompaniia men onyń múlkin óz atyna rásimdetken. Alaida zańdy rásimder aiaqtalǵan soń burynǵy iesine kriptoámiianǵa qol jetkizý úshin jalǵan málimetter berilip, is júzinde tólem jasalmaǵany anyqtalǵan.
Budan keiin kúdikti jaǵdaidy paidalanyp, eks-iesine kompaniiada oǵan qatysty áshkereleitin materialdar bar ekenin aityp, olardy jariialamaý úshin 250 myń AQSh dollaryn talap etken.
Jedel-izdestirý sharalary barysynda kúdikti talap etilgen somanyń bir bóligin — 150 myń AQSh dollaryn alý kezinde ustaldy.
Atalǵan faktiler boiynsha alaiaqtyq jáne bopsalaý baptarymen qylmystyq ister qozǵaldy. Kúdikti ýaqytsha ustaý izoliatoryna qamaldy.
