Foto: video skrinshot
Alyp kúsh iesi Artyq Dosaliev bul erligin Uly Jeńistiń 80 jyldyǵyna arnady, dep habarlaidy Ult.kz 24kz-ke silteme jasap.
52 jastaǵy Artyq Dosaliev jalpy salmaǵy 120 tonna bolatyn 5 temirjol vagonyn ornynan qozǵap, 21 metr 40 santimetr qashyqtyqqa súiredi. Erekshe ótken synaqqa ondaǵan kórermen kýá boldy. Al Qazaqstan rekordtar kitabynyń ókilderi bul kórsetkishti resmi túrde tirkedi.
Rekord tirkelmes buryn sarapshylar barlyq tehnikalyq parametrlerdi muqiiat tekserip shyqty – relsterdiń kólemi, naqty salmaǵy men ólshengen qashyqtyq arnaiy qurylǵylarmen rastaldy.
Sportshy bul kúnge deiin birneshe ai boiy tynymsyz jattyǵyp, qatań tártippen jáne myqty daiyndyqpen kelgenin atap ótti.
Artyq Dosaliev – kúsh sporty áleminde esimi keń tanylǵan tulǵa. Ol – paýerliftingten sport sheberi, bes dúrkin álem chempiony, eki márte Eýropa chempiony jáne Aziia chempionattarynyń segiz márte júldegeri.
