Shymkentte áleýmettik mańyzy bar azyq-túlik baǵasyn turaqty ustap turý úshin 10 dúkennen qosymsha buryshtar ashylady., dep habarlaidy "Ult aqparat".
Bul týraly Shymkent qalasynyń ákimi Murat Áitenov ortalyq kommýnikatsiialar qyzmetinde málim etti.
«Biz naryqtyq ekonomikadaǵy baǵany baqylaýda ustaý úshin turaqtandyrý qoryna 4,7 mlrd teńge bóldik. Sol aqshaǵa áleýmettik mańyzy bar azyq-túlik alyp, tiisti áleýmettik dúkenderge qoljetimdi baǵamen usynyp otyrmyz. Bizdegi «GraMad», «Magným», «Firkan» siiaqty iri jelilik dúkenderdiń bárinde áleýmettik azyq-túlik buryshtary bar. Sol jerden alýǵa bolady», - deidi Murat Áitenov.
Ákimniń aitýynsha, Shymkent qalasy azyq-túlik baǵasynyń ósý qarqyny boiynsha 11 orynda.
«Bizdegi ár aýdanda biyl taǵy 10 dúkennen áleýmettik burysh ashyp jatyrmyz. Ekeýin ashtyq, qalǵanyn jyldyń aiaǵyna deiin ashamyz. Memleket basshysynyń «Egisten-sórege» deitin tapsyrmasy boiynsha tórt aýdanda aptasyna eki ret jármeńke uiymdastyryp otyrmyz. Ózge qalalarmen salystyrǵanda, azyq-túlik baǵasynyń kórsetkishi boiynsha 11 orynda turmyz. Baǵany ósimi sonshalyqty úlken emes», - dedi shahar basshysy.
