Foto: Istockphoto.com
Almatydaǵy "Shymbulaq" taý shańǵysy kýrortynyń mańynda qar kóshkini saldarynan shańǵyshy qaza tapty, dep habarlaidy Ult.kz.
17 naýryzda Almaty qalalyq TJD-ǵa "Shymbulaq" taý shańǵysy kýrortynyń dispetcheri kýrorttan bir shaqyrym jerde ornalasqan "Komsomol" shyńy mańynda kóshkin júrgenin habarlaǵan.
TJM málimetinshe, oqiǵa Nýnatak kóli mańyndaǵy Talǵar asýynda bolǵan. Belgili bolǵandai, úsh shańǵyshy tyiym salynǵan jerde shańǵy tepken.
"Úsheýi de kóshkin astynda qalǵan. Eki jábirlenýshi qar astynan óz betinshe shyqqan, úshinshi adamdy "Shymbulaq" qutqarýshylary alyp shyqty", - dep málimdedi Almaty qalalyq TJD ókili.
Qaza tapqan áieldiń 35 jastaǵy Resei azamaty ekeni anyqtaldy.
"Shymbulaq" taý shańǵysy kýrortynyń ákimshiligi marqumnyń týǵan-týystary men jaqyndaryna kóńil aityp, qonaqtardy taýdaǵy qaýipsizdik erejelerin qatań saqtaýǵa shaqyrady.
