Shyǵys Qazaqstan oblysynda 2021 jyldyń basynan beri 41 orman órti tirkeldi, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, óńir boiynsha órt qaýpi joǵary kezeń bastalǵaly qaýipsizdik erejelerin saqtamaǵan 240-qa jýyq adam ákimshilik jaýapkershilikke tartylǵan.
«Shyǵys Qazaqstanda biyl 41 orman órti tirkeldi. Osynyń saldarynan 330,64 gektar orman joiylǵan. Sondai-aq oblys qutqarýshylary táýlik saiyn shópti sharpyǵan jalyndy aýyzdyqtaýǵa attanady. Qutqarýshylar, ormanshylar, politseiler jáne jergilikti atqarýshy organ ókilderi daladaǵy órttiń aldyn alý maqsatynda turaqty túrde baqylaý júrgizip otyr», - dep habarlady vedomstvo ókilderi.
Jyl basynan beri QR ÁKBtK 336-babyn jáne 410-babyn buzǵan 238 adam ákimshilik jaýapkershilikke tartylǵan.
«Osy rette halyqqa sóndirilmegen temeki tuqylyn jerge tastamai, otty paidalanǵan kezde barynsha abai bolý qajettigin eskertemiz. Órt shyqqan jaǵdaida dereý «101» nemese «112» nómirlerine habarlasý qajet» dep eskertedi departament.
