Búgingi kúni Shyǵys Qazaqstan oblysynda asa qaýipti aýrýdan mal qyrylý faktisi múlde tirkelmegen, dep habarlaidy "Ult aqparat".
Shyǵys Qazaqstan oblysy Zaisan aýdanynyń Shilikti aýylynda belgisiz aýrýdan jappai mal qyryldy dep taratqan BAQ-tyń habarlamasyna bailanysty QR Aýyl sharýashylyǵy ministrligi málimdeme jasady.
Vedomstvonyń aqparatyna sensek, búgingi tańda Shilikti aýyldyq okrýginde asa qaýipti aýrýdan mal ólmegen.
Óńirdegi sharýashylyqtardyń birinde maldyń jappai qyrylýy biyl mamyr aiynyń basynda bolǵan. Sodan keiin anaerobty enterotoksinniń saldarynan 102 qozynyń ólgeni anyqtalǵan bolatyn.
Sonymen qatar, jaiylymdardy teksergende de ýly nemese basqa da ziian eshteńe anyqtalmady. Úlken qoilarda aýrýdyń belgileri bolǵan joq.
Osyǵan bailanysty veterinarlar túsindirý jumystaryn júrgizip, sharýashylyq iesine bul jaǵdaida ólgen malǵa ótemaqy tólenbeitini aitty.
Sonymen qatar, 2020 jyly jáne biyl birinshi jartyjyldyqta jergilikti atqarýshy organdardyń veterinariia qyzmeti epizootiiaǵa qarsy is-sharalar keshenin ýaqtyly júrgizgen.
Qazirgi ýaqytta Qazaqstandaǵy barlyq aýyl sharýashylyǵy janýarlaryna asa qaýipti aýrýlarǵa qarsy vaktsina egildi.
Biyl mamyr aiynda qozylar ólgennen keiin Shilikti aýyldyq okrýginiń maly veterinar mamandardyń qatań baqylaýynda bolady.
Sondyqtan Shilikti aýylynda maldyń jappai qyrylyp jatqany týraly aqparat tekserilmegen jáne jalǵan.
