Shyǵys Qazaqstan oblysyndaǵy halyqqa qyzmet kórsetý ortalyqtary Ashyq jobasy arqyly jumys isteidi, dep habarlaidy "Ult aqparat".
QR Bas memlekettik sanitarlyq dárigeriniń qaýlysyna sáikes, 14 maýsymnan bastap HQO-lar kelýshilerdi Ashyq qosymshasy arqyly qabyldap jatyr.
Teris nemese beitarap mártebesi bar shyǵysqazaqstandyqtar memlekettik qyzmetterdi kezeksiz ala alady.
«Ashyq qosymshasy boiynsha barlyq qala, aýdanda HQO-ǵa kirýge bolady. Árbir front-keńsege skanerleý úshin arnaiy derbes QR-kod berilgen. QR kodtar ǵimaratqa kireberiste ilinedi. Bul rette, kezekke aldyn ala brondaý múmkindigi burynǵysha qalady. Onyń artyqshylyǵy – siz belgilengen ýaqytta operatordyń qabyldaýyna birden óte alasyz», - dep habarlady «Azamattarǵa arnalǵan úkimet» ShQOF baspasóz qyzmeti.
Eger kelýshide atalǵan qosymsha bolmasa, jaqynda Ashyq fýnktsionaly engizilgen eGov mobile, Kaspi.kz jáne Halyk Homebank qosymshalaryn paidalana alady.
Osy qosymshalar bolmasa da, mártebeni HQO qyzmetkerleri JSN boiynsha anyqtaidy.
