Shyǵys Qazaqstan oblysynyń sailaý okrýgterinde 235 kandidat tirkeldi. Onyń 85 (36,2%) – saiasi partiialar, 150 (63,8%) - ózin-ózi usynǵandar, dep habarlaidy "Ult aqparat" ShQO aqparat ortalyǵyna silteme jasap.
- Ortasha báseke - 3 adamnan. Eń kóp 4 kandidat – Úrjar aýdanynyń Maqanshy aýyldyq okrýginde, Katonqaraǵai aýdanynyń Belqaraǵai aýyldyq okrýginde, Glýbokoe aýdanynyń Ýshanov aýyldyq okrýginde, Abai aýdanynyń Arhat aýyldyq okrýginde. Qalǵan 73 sailaý okrýgterinde – 3 kandidattan tirkeldi, - deidi Shyǵys Qazaqstan oblystyq sailaý komissiiasynyń tóraǵasy Ersaiyn Nábiev.
Saiasi partiialar usynǵan 76 sailaý okrýgi boiynsha tirkelgen kandidattar: «NurOtan» partiiasy - 61 kandidat, «Aýyl» HDSP - 18 kandidat, «Ak Jol» QDP - 1 kandidat, «ADAL» SP - 3 kandidat, QHP - 1 kandidat, JSDP - 1 kandidat.
- Oblystyń 76 sailaý okrýginde 6 saiasi partiia usynylǵan: 11 sailaý okrýginde – 2 saiasi partiiadan, 65 sailaý okrýgterinde – 1 saiasi partiia, 1 sailaý okrýginde – ózin-ózi usynǵandar boldy, - deidi Shyǵys Qazaqstan oblystyq sailaý komissiiasy tóraǵasynyń orynbasary Janar Alqanova.
Tirkeýden ótken 235 kandidattyń 168-i - memlekettik qyzmetshiler.
Sondai-aq, 48 kandidat aýyldyq okrýgte ákim laýazymyna qaita usynylǵandar, 3 kandidat basqa aýyldyq okrýgterde ákim nemese buryn ákim bolǵandar.
- Sońǵy jumys orny memlekettik qyzmetpen bailanysty emes 67 kandidat memlekettik qyzmet salasyndaǵy zań talaptarynyń sáikestiginen ótti. Onyń 9 - kommertsiialyq sala ókilderi, 52 - biýdjet salasynyń qyzmetkerleri, 2 - ýaqytsha jumyssyz, 1 - úkimettik emes uiymdar, 3 – basqalar, - deidi Ersaiyn Nábiev.
235 kandidattyń 174 (74,5 paiyzy) – er adamdar, 61 (25,5 paiyzy) – áiel adamdar.
Kandidattardyń ortasha jasy - 44 jas, eń jas kandidat – 26 jasta, jasy eń úlkeni – 61 jasta.
Aýyldyq okrýgterden 90 kandidat usynylyp otyr. 130 - sol aýdanda, 14 - oblysta turatyndar. Basqa óńirden qatysyp otyrǵan - 1, ol sol aýyldyq okrýgtiń týmasy.
