Sońǵy táýlikte Shyǵys Qazaqstan oblysynda órt qaýipsizdigi sharalaryn saqtamaý saldarynan bes adam qaza tapty, dep habarlaidy Semey News portaly.
Shyǵys Qazaqstan oblystyq TJD baspasóz qyzmetiniń málimdeýinshe, Óskemende «Metallýrg-2» saiajai qoǵamyndaǵy turǵyn úide órt sóndirýshiler 30 sharshy metr aýmaqty sharpyǵan órtti sóndirgen.
Oqiǵa saldarynan 1960 jylǵy er adam qaza tapty.
Serebriansk qalasynda órt sóndirýshiler turǵyn úide 130 sharshy metrge taraǵan jalynmen kúresti. Oqiǵa saldarynan 1985 jylǵy er adam kóz jumǵan.
Ridderde órt sóndirýshiler oqiǵa ornyna kelip jetkenshe, jalyn úidiń qabyrǵalary men shatyryna, sharýashylyq qurylystyń aǵash konstrýktsiialaryn sharpyǵan.
Órttiń taralý aýmaǵy – 145 sharshy metr. Úidiń ishinen 1934 jylǵy áiel men 1959 jáne 1994 jylǵy eki er adamnyń denesi tabylǵan.
Turmystyq órtke kóbine úi ieleriniń ózderi kináli bolyp jatady. Olar temeki shegedi, elektrjylytqysh quraldaryn jáne basqa zattardy paidalaný kezinde qarapaiym qaýipsizdik erejelerin saqtamaidy.
