QR IIM Tótenshe jaǵdailar komitetiniń tóraǵasy Vladimir Bekker shomylý maýsymy elimizdiń óńirlerinde qai ýaqytta ashylatyndyǵyn aitty, dep habarlaidy QazAqparat.
Ótken apta azamattyq qorǵanys organdarynyń bólimsheleri úshin barynsha qiyn boldy. Qurǵaq ári ystyq aýa raiyna bailanysty ot tutaný deregi de óte kóp. Órt sany da kóp bolyp otyr. Buǵan qosa, qapyryqtan qashqan turǵyndar sý qoimalaryna bet alyp, arnaiy belgilendegen jerlerde shomylady. Búgingi kúnge deiin sýǵa túsý maýsymy áli ashylmaǵandyǵyn atap ótkim keledi. Jyl basynan beri keshege deiin azamattyq qorǵanys organdarynyń bólimsheleri 643 ret, onyń ishinde Qaraǵandy oblysynda 223, ShQO-da 81, Nur-Sultanda 66, Pavlodarda 33 jáne Túrkistan oblysynda 26 ret qutqarýǵa shyqty», - dedi ol.
Onyń atap ótýinshe, sýǵa shomylý maýsymyn ashý sheshimi ár óńirdiń basshylyǵymen aqyldasa otyryp, jeke qabyldanady.
«1 maýsymnan bastap sýǵa shomylý maýsymy Almaty, Aqtóbe, Aqmola, BQO, Qostanai, Qaraǵandy, SQO, Túrkistan oblystarynda, Jezqazǵan, Almaty jáne Shymkent qalalarynda ashylady. Nur-Sultan qalasy men Pavlodar oblysynda 10 maýsymnan, ShQO-da 13 maýsymnan, Atyraýda 15 maýsymnan jáne Mańǵystaý oblysynda 25 maýsymnan bastap ashý josparlanǵan», - dedi komitet basshysy.
V.Bekkerdiń aitýynsha, sý temperatýrasynyń barynsha tómen bolýy sýǵa shomylý maýsymyn ashpaýǵa sebep bolǵan.
«Sońǵy aptada kún ystyq bolyp turǵanyna qaramastan Pavlodar oblysynda sý temperatýrasy 19, Aqmolada 18, Qaraǵandyda 18-20, Qostanaida 18-20, Mańǵystaýda 17, BQO-da 15-20, Aqtóbede 18-21, Almaty, Qyzylorda 20-25, ShQO-da 20, Almaty, Túrkistanda 17-24, Jambylda 20-25 gradýs qana», - dedi ol.
