Óskemen turǵyny toǵyzynshy qabattaǵy balkonynan divan laqtyryp jiberdi, dep habarlaidy "Ult aqparat" altaynews.kz-qa silteme jasap.
Oqiǵa keshe Gagarin býlvarynda ornalasqan 36-shy úide boldy. Er adam toǵyz qabatty úidiń balkonynan áýeli divanyn, odan keiin qalǵan qoqysty laqtyrǵan. Kýágerler oqiǵany videoǵa jazyp alyp, áleýmettik jelide taratqan.
Bul jaǵdai tártip saqshylarynyń nazarynan tys qalǵan joq.
«Atalǵan fakti boiynsha qalanyń 40 jastaǵy turǵyny anyqtalyp, oǵan qatysty QR Ákimshilik quqyqbuzshylyqtar týral kodeksiniń 434-babymen (usaq buzaqylyq) ákimshilik quqyqbuzýshylyqtar týraly hattama toltyryldy», - dedi Óskemen qalalyq politsiia basqarmasynan.
