Foto: Ashyq derekkóz
Katonqaraǵai aýdandyq politsiia bóliminiń kezekshi bólimine aýdan aýmaǵynda esirtki zattarynyń zańsyz saqtalýy týraly jedel aqparat kelip túsken, dep habarlaidy baspasóz qyzmeti
Jedel-izdestirý is-sharalary barysynda jer úi men onyń irgeles aýmaǵyn tekserý kezinde sharýashylyq qurylystarynyń birinen jasyryn oryn anyqtaldy.
Politsiia qyzmetkerleri bastyrma astyndaǵy as úi oryndyǵynyń ishinen úsh polimerli paketti tapqan. Paketterdiń ishinde erekshe iisi bar, qońyr-jasyl tústi ósimdik tektes zat bolǵan. Sonymen qatar basqa úi-jaidan esirtki shegýge arnalǵan qurylǵylar tabylyp, tárkilendi.
Saraptama qorytyndysyna sáikes, tárkilengen zat — jalpy salmaǵy 1,7 keliden asatyn keptirilgen marihýana ekeni belgili boldy. Bul kórsetkish esirtki zattarynyń asa iri mólsherine jatady.
Politsiia qyzmetkerleri azamattardy salaýatty ómir saltyn ustanýǵa jáne esirtki qylmysy men nashaqorlyqqa qarsy kúreste belsendi azamattyq ustanym tanytýǵa shaqyrady. Eger sizge esirtki quraldarynyń zańsyz ainalymy týraly faktiler belgili bolsa, dereý “102” nómirine habarlaýyńyzdy suraimyz.
