Foto: Polisia.kz
ShQO-da psihotroptyq zattardy býyp-túiýmen ainalysqan kúdiktiler ustaldy, - dep habarlaidy Polisia.kz.
Shyǵys Qazaqstan oblysy politsiia departamenti esirtki qylmysyna qarsy is-qimyl basqarmasynyń qyzmetkerleri jedel-izdestirý is-sharalary barysynda internet-dúkenniń qoimashy - oraýshysy retinde áreket etken 22 jáne 23 jastaǵy eki kúdiktini anyqtap, ustady.
Shuǵyl tintý barysynda 22 jastaǵy kúdiktiden kók tústi izolentamen oralǵan, ishinde aq tústi untaq tárizdi zaty bar polimerli paket tárkilendi. Saraptama qorytyndysyna sáikes, atalǵan zattyń jalpy salmaǵy 498,20 gramm bolatyn "a-PVP" psihotroptyq zaty ekeni anyqtaldy.
Ekinshi kúdiktiniń jaldamaly páterinen tártip saqshylary uqsas untaq tárizdi zaty bar plastik ydysty, sondai-aq býyp-túiýge arnalǵan quraldardy — zip-paketterdi, oqshaýlaǵysh taspany, elektrondy tarazyny, magnitter men respiratordy tárkiledi.
Saraptama nátijesine sáikes, tárkilengen zattyń 168,12 gramm "3-hlormetkatinon" psihotroptyq zaty ekeni belgili boldy.
Osylaisha, tárkilengen psihotroptyq zattardyń jalpy salmaǵy 600 gramnan asyp, asa iri mólsherdi qurady. Anyqtalǵandai, kúdiktiler Shyǵys Qazaqstan oblysyna basqa óńirden kelgen. Olar messendjer arqyly nusqaýlar alyp, jaldamaly páterdi qoima retinde paidalanyp, tyiym salynǵan zattardy býyp-túiýmen ainalysqan.
Atalǵan fakti boiynsha sotqa deiingi tergep-tekserý júrgizilýde. Kúdiktiler ustalyp, ýaqytsha ustaý izoliatoryna qamaldy. Shyǵys Qazaqstan oblysynyń politsiia departamenti azamattardy internet arqyly usynylatyn kúmándi "jumys" usynystarynan saq bolýǵa shaqyrady. Mundai usynystardyń artynda esirtki biznesi men qylmystyq jaýapkershilik turýy múmkin.
